Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 21-րդ կետով, Ճամբարակ համայնքի ղեկավարի 25.02.2020 թվականի N63 որոշմամբ և Ճամբարակ համայնքի ավագանու 18.06.2016 թվականի N16-Ա որոշմամբ.

Հ Ա Մ Ա Յ Ն Ք Ի   Ա Վ Ա Գ Ա Ն Ի Ն   Ո Ր Ո Շ ՈՒ Մ  է՝

1. ՀՀ Գեղարքունիքի մարզի Ճամբարակ համայնքի սեփականություն հանդիսացող, Թումանյան փող. 58/1 հասցեում գտնվող, 05-002-0038-0002 կադաստրային ծածկագրով 0.026493 հա հողամասը և նույն հողամասի վրա գտնվող հասարակական նշանակության շինությունը /նախկին գրասենյակի շենքը/սեփականության իրավունքով ուղղակի վաճառքով հատկացնել քաղաքացի Գայանե Լազարյանին, քանի որ վերոնշյալ գույքը նախկինում տրամադրված  է եղել իրեն՝ անժամկետ  բնակվելու  նպատակով:
2. Շենքի կադաստրային արժեքը ըստ անշարժ գույքի կադաստրի կոմիտեի կողմից տրված տեղեկանքի կազմում է 1.934.597 /մեկ միլիոն ինը հարյուր երեսունչորս հազար հինգ հարյուր իննսունյոթ/ ՀՀ դրամ, իսկ հողի կադաստրային արժեքը կազմում է 33.061 /երեսուներեք հազար վաթսունմեկ/ ՀՀ դրամ: Քանի որ տվյալ գույքը գտնվում է ամխիթար վիճակում, իսկ ընտանիքը ունի սոցիալական  խնդիրներ, վճարել գույքի /շենքի/ սահմանված կադաստրային  արժեքի կեսը՝ 967.300 /ինը հարյուր վաթսունյոթ հազար երեք հարյուր/ ՀՀ դրամ, իսկ հողի կադաստրային արժեքի վճարումը թողնել անփոփոխ:
3. Տվյալ որոշումից բխող իրավունքները ենթակա են պետական գրանցման:
4. Սույն որոշումն ուժի մեջ է մտնում ստորագրման պահից: