|
 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ Ճամբարակ ՀԱՄԱՅՆՔԻ ԱՎԱԳԱՆԻ
|
Հայաստանի Հանրապետության Գեղարքունիքի մարզի Ճամբարակ համայնք ՀՀ Գեղարքունիքի մարզ, ք. Ճամբարակ, (0265)22255, chambarak.gegharquniq@mta.gov.am |
Ո Ր Ո Շ ՈՒ Մ |
18 նոյեմբերի 2026 թվականի N 130-Ն |
ՃԱՄԲԱՐԱԿ ՀԱՄԱՅՆՔԻ ՎԱՐՉԱԿԱՆ ՏԱՐԱԾՔՈՒՄ ՇԵՆՔԵՐԻՑ ԵՎ ՇԻՆՈՒԹՅՈՒՆՆԵՐԻՑ ԴՈՒՐՍ ԱՎՏՈՄԱՏ ԻՆՔՆԱՍՊԱՍԱՐԿՈՂ ՍԱՐՔԵՐԻ ՄԻՋՈՑՈՎ ԱՌԵՎՏՐԻ ԻՐԱԿԱՆԱՑՄԱՆ ԿԱՄ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ ԿԱՐԳԸ, ԹՈՒՅԼԱՏՐՎՈՂ ԱՊՐԱՆՔՆԵՐԻ ԵՎ ԾԱՌԱՅՈՒԹՅՈՒՆՆԵՐԻ ՏԵՍԱԿՆԵՐԸ ԵՎ ՏԵՂԱԿԱՆ ՏՈՒՐՔԻ ԴՐՈՒՅՔԱՉԱՓԸ ՍԱՀՄԱՆԵԼՈՒ ՄԱՍԻՆ |
Հիմք ընդունելով «Տեղական ինքնակառավարման մասին» օրենքը, «Առևտրի և ծառայությունների մասին» օրենքի 5.5-րդ հոդվածը, «Տեղական տուրքերի և վճարների մասին» օրենքի 9-րդ հոդվածի 1-ին մասի 25-րդ կետը և 12-րդ հոդվածի 25-րդ կետը․
ՀԱՄԱՅՆՔԻ ԱՎԱԳԱՆԻՆ ՈՐՈՇՈւՄ Է՝
- Հաստատել՝
1․ Ճամբարակ համայնքի վարչական տարածքում շենքերից և շինություններից դուրս ավտոմատ ինքնասպասարկող սարքերի միջոցով առևտրի իրականացման կամ ծառայությունների մատուցման կարգը՝ համաձայն N 1 հավելվածի, 2․ ավտոմատ ինքնասպասարկող սարքերի միջոցով վաճառքի կամ մատուցման համար թույլատրվող ապրանքների և ծառայությունների տեսակների ցանկը՝ համաձայն N 2 հավելվածի, 3.ավտոմատ ինքնասպասարկող սարքի տեղադրման և շահագործման թույլտվության ձևանմուշը՝ համաձայն N 3 հավելվածի։
- Սահմանել շենքերից և շինություններից դուրս ավտոմատ ինքնասպասարկող սարքի միջոցով առևտուր իրականացնելու կամ ծառայություն մատուցելու թույլտվության համար տեղական տուրքի դրույքաչափը՝ յուրաքանչյուր սարքի համար ամսական 10 000 (տասը հազար) Հայաստանի Հանրապետության դրամ։
- Սահմանել, որ թույլտվության տրամադրման դիմումը համայնքապետարանում ստանալուց հետո այն պարտադիր գրանցվում է համայնքային կառավարման տեղեկատվական համակարգում (ՀԿՏՀ)։
- Սահմանել, որ՝
1․ դիմումի ուսումնասիրության արդյունքներով համայնքի ղեկավարը, օրենքով սահմանված իր լիազորությունների շրջանակում, ընդունում է թույլտվություն տրամադրելու կամ մերժելու մասին որոշում, 2․ թույլտվությունը ձևակերպվում և տրամադրվում է համայնքի ղեկավարի՝ թույլտվություն տրամադրելու մասին որոշման հիման վրա, 3․ դիմումը, համայնքի ղեկավարի որոշումը, թույլտվությունը և տեղական տուրքի վճարման վերաբերյալ տվյալները ՀԿՏՀ-ում փոխկապակցվում են՝ ապահովելով գործընթացի հետագծելիությունը։
- Համայնքի ղեկավարին՝
1․ ապահովել սույն որոշմամբ հաստատված կարգի կիրառումը, 2․ ապահովել դիմումների, որոշումների և թույլտվությունների հաշվառումն ու պահպանումը ՀԿՏՀ-ում, 3․ անհրաժեշտության դեպքում կազմակերպել թույլտվության պայմանների պահպանման նկատմամբ վերահսկողությունը՝ օրենքով սահմանված լիազորությունների շրջանակում։
- Սույն որոշումն ուժի մեջ է մտնում օրենքով սահմանված կարգով պաշտոնական հրապարակման հաջորդ օրվանից։
- Սույն որոշմամբ սահմանված տեղական տուրքի դրույքաչափը կիրառվում է որոշումն ուժի մեջ մտնելուց հետո առաջացող պարտավորությունների նկատմամբ՝ օրենքով սահմանված կարգով։ Սույն որոշումը հետադարձ ուժ չունի։
|
Կողմ -15 ՌՈԲԵՐՏ ՕՀԱՆՅԱՆ ԳԱՅԱՆԵ ՃԱՂԱՐՅԱՆ ԱՆՈՒՇ ՂՈՒԿԱՍՅԱՆ ԱՐԱՅԻԿ ՄԱՐԳԱՐՅԱՆ ՇԱՀՆՈՒՐ ՇՈՒՇԱՆՅԱՆ ԶՈՒՐԻԿ ՄԱՐՏԻՐՈՍՅԱՆ ՎԱՀԵ ՎԱՐԴԱՆՅԱՆ ԷԴՎԱՐԴ ԿԻՐԱԿՈՍՅԱՆ ՀԱՅԿ ԱԲՐԱՀԱՄՅԱՆ ՌԱՖԱՅԵԼ ՆԱԴԱՐՅԱՆ ԳԵՎՈՐԳ ԱԴԱՄՅԱՆ ՄԻՇԱ ՂՈՒԿԱՍՅԱՆ ԳԱՌՆԻԿ ՋԱՀԱՆԳԻՐՅԱՆ ԱՐՄԵՆ ՄՈՒՐԱԴՅԱՆ ԻԼԻՉ ԹԱՄԱՄՅԱՆ | Դեմ -0 | Ձեռնպահ -0 |
|
ՀԱՄԱՅՆՔԻ ՂԵԿԱՎԱՐ ՎԱԶԳԵՆ ԱԴԱՄՅԱՆ
|
| Կից փաստաթղթեր՝ |
 |
(28.67 Կբ)
հավելված 1 |
 |
(16.51 Կբ)
հավելված 2 |
 |
(56.56 Կբ)
հավելված 3 |
|
|
|
|
| Փակ փաստաթուղթ՝ | Հրապարակման ենթակա է |
|
|
|