Ղեկավարվելով «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի «բ» ենթակետի հիմքով, 3-րդ մասով, «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, հիմք ընդունելով ՀՀ ՇՄՆ էկոպարեկային ծառայության 29․07․2026թ․ Ե/3/1997-26 գրությունը՝ «Սևան ազգային պարկ» ՊՈԱԿ-ի տարածքում ինքնակամ շինություններ հայտնաբերելու վերաբերյալ և ՀՀ քաղաքացիական օրենսգրքի 188-րդ հոդվածի պահանջների պահպանումը պարզելու նպատակով՝
Ո Ր Ո Շ Ո Ւ Մ Ե Մ՝
- Սևան ազգային պարկ» ՊՈԱԿ-ի տարածքում Շողակաթ բնակավայրի ափամերձ հատվածում Լևոն Հակոբյանի կողմից «ԼԱՔԻ ՄԵՆ» ՍՊԸ-ի կողմից թիվ 167-Ա պայմանագրով վարձակալած տարածքում թվով 1 հատ 4X6մ չափերի բացօթյա զրուցարան ինքնակամ տեղադրելու փաստի առթիվ հարուցել վարչական վարույթ և իրականացնել քննարկում 2026 թվականի օգոստոսի 13-ին ժամը 12։00-ին ք. Ճամբարակ, Գարեգին Նժդեհի 125 հասցեում, Ճամբարակի համայնքապետարանի շենքում:
- Հարուցված վարչական վարույթի մասին ծանուցել Լևոն Հակոբյանին:
- Սույն որոշումն ուժի մեջ է մտնում ստորագրման պահից:
|