ՆԱԽԱԳԻԾ

Ղեկավարվելով «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի «բ» ենթակետի հիմքով, 3-րդ մասով, «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, հիմք ընդունելով ՀՀ ՇՄՆ էկոպարեկային ծառայության 13․04․2026թ․ Ե/3/814-26  գրությունը, ՀՀ Քաղաքաշինության, տեխնիկական և հրդեհային անվտանգության տեսչական մարմնի 28․04․2026թ․ թիվ ՔՏԱ/18․9/11952-26 և «Սևան ազգային պարկ» ՊՈԱԿ-ի 25․03․2026թ․ թիվ 19-696 գրությունները՝ «Սևան ազգային պարկ» ՊՈԱԿ-ի տարածքում ինքնակամ շինություններ հայտնաբերելու վերաբերյալ  և ՀՀ քաղաքացիական օրենսգրքի 188-րդ հոդվածի պահանջների պահպանումը պարզելու նպատակով՝

1. «Սևան ազգային պարկ» ՊՈԱԿ-ի տարածքում Ճամբարակ համայնքի Ծափաթաղ բնակավայրի ափամերձ հատվածում (կոորդինաներ՝ N 40024’51.33” E45027'38.75”) անհայտ անձի կողմից թվով 1 հատ մետաղական տնակի և թվով 5 հատ փայտե-մետաղական տնակների ինքնակամ տեղադրելու փաստի առթիվ հարուցել վարչական վարույթ և իրականացնել քննարկում 2026 թվականի մայիսի 26-ին ժամը 12։00-ին ք. Ճամբարակ, Գարեգին Նժդեհի 125 հասցեում, Ճամբարակի համայնքապետարանի շենքում:
2. Միջոցներ ձեռնարկել ինքնակամ շինությունները իրականացնող /տեղադրող/ անձանց հայտնաբերելու և քննարկմանը մասնակից դարձնելու համար։
3. Հարուցված վարչական վարույթի մասին ծանուցել  «Սևան ազգային պարկ» ՊՈԱԿ-ին:
4. Սույն որոշումն ուժի մեջ է մտնում ստորագրման պահից։