Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, «Քաղաքաշինության մասին» ՀՀ օրենքի 14 պրիմ 3 հոդվածով, ՀՀ «Քաղաքացիական օրենսգրքի» 188-րդ հոդվածի 4-րդ կետով, ՀՀ kառավարության 29.12.2005թ. N2387-Ն որոշմամբ, 18.05.2006թ. թիվ 912-Ն որոշման 3-րդ և 33-րդ կետերով և հաշվի առնելով, որ շինությունը կառուցված է համայնքային սեփականություն հանդիսացող հողատարածքի վրա, հիմք ընդունելով Ճամբարակ համայնքի բնակիչ Արման Սևանյանի դիմումը, Ճամբարակ քաղաքի Գ. Նժդեհի փող. 127/2 հասցեում գտնվող 05-002-0102-0112 կադաստրային ծածկագրով համայնքին պատկանող հողատարածքում իր կողմից ինքնակամ կառուցված հասարակական նշանակության շինությունը օրինականացնելու  մասին.

                                              Հ Ա Մ Ա Յ Ն Ք Ի   Ա Վ Ա Գ Ա Ն Ի Ն   Ո Ր Ո Շ ՈՒ Մ   Է՝ 

1. Հավանություն տալ Ճամբարակ համայնքի բնակիչ Արման Սևանյանի կողմից կառուցված Գ. Նժդեհի 127/2 հասցեում գտնվող համայնքային սեփականություն հանդիսացող բնակավայրի 0.0357 հա հողատարածքի վրա ինքնակամ կառուցված երկհարկանի 1-ին հարկի 279.24 քմ ներքին և 357.03 քմ արտաքին մակերեսով, 2-րդ հարկի 290.16 քմ ներքին և 317.23 քմ արտաքին մակերեսով հասարակական նշանակության շինությունը, 39.76 քմ մակերեսով հարթակը ճանաչել համայնքի օրինական սեփականություն, հետագայում  այն իրեն  օտարելու պայմանով:
2. 05-002-0102-0112 կադաստրային ծածկագրով վերը նշված շինության կառուցման և սպասարկման տարածքը համապատասխանեցնել Ճամբարակ համայնքի գլխավոր հատակագծին:
3. Սույն որոշումը ուժի մեջ է մտնում ստորագրման պահից և ենթակա է պետական գրանցման: