Ղեկավարվելով «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի «բ» ենթակետի հիմքով, 3-րդ մասով, «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, հիմք ընդունելով Ճամբարակ համայնքապետարանի աշխատակազմի ֆինանսատնտեսագիտական, եկամուտների հաշվառման և հավաքագրման բաժնի տեղեկանքը Աշոտ Սուրենի Լազարյանի կողմից Ճամբարակ համայնքի բյուջեի նկատմամբ չկատարված հարկային պարտավորությունների վերաբերյալ.
Ո Ր Ո Շ Ո Ւ Մ Ե Մ՝
- Քաղաքացի Աշոտ Սուրենի Լազարյանին /հաշվառված` Արմավիրի մարզ, Խոյ, Ծաղկունք, Ս. Նովայի փողոց, տուն 4 հասցեում/ սեփականության իրավունքով պատկանող Ճամբարակ համայնքի 05-002-0303-0001 կադաստրային ծածկագրով 1.861 հա անջրդի վարելահողը, 05-002-0300-0126 կադաստրային ծածկագրով 0.968 հա խոտհարքը, 05-002-0185-0008 կադաստրային ծածկագրով 0.088 հա տնամերձը ՀՀ Հարկային օրենսգրքով սահմանված կարգով անշարժ գույքի ընդհամենը՝ 12219 ՀՀ դրամի չափով հարկ վճարելու պարտականությունը չկատարելու փաստի առթիվ հարուցել վարչական վարույթ և իրականացնել քննարկում 2025 թվականի օգոստոսի 18-ին ժամը 10:30-ին ք. Ճամբարակ, Գարեգին Նժդեհի 125 հասցեում, Ճամբարակի համայնքապետարանի շենքում:
- Հարուցված վարչական վարույթի մասին եռօրյա ժամկետում ծանուցել Աշոտ Լազարյանին։
- Սույն որոշումը ուժի մեջ է մտնում իրազեկման պահից։
|