Ղեկավարելով «Տեղական ինքնակառավարման մասին» ՀՀ օրենքի 18-րդ հոդվածի 1-ին կետի 18-րդ մասով և 13-րդ հոդվածի 12-րդ կետով, ՀՀ կառավարության 2015թ. հունիսի 25-ի «Տրանսպորտային միջոցները խոտանված համարելու և տրանսպորտային միջոցների սեփականության իրավունքի պետական գրանցման և պետական հաշվառման (վերահաշվառման) համակարգչային շտեմարանից հանելու մասին» N 708-Ա որոշման 2-րդ կետի պահանջները համայնքի ավագանին.
Ո Ր Ո Շ ՈՒ Մ Է՝
- Ճամաբարակ խոշորացված համայնքի գույքահարկի բազայի տրանսպորտային միջոցների համակարգչային շտեմարանի գործող հատվածում առկա են ԽՍՀՄ ,առանց պետհամարանիշերի ավտոմեքենաներ, որոնք տարիների ընթացքում (ավելի քան տասը տարի) կուտակել են խոշոր ապառք և անտեղի ուռճացնում են փոխադրամիջոցների գույքահարկի տարեկան պլանային թիվը: Կան նաև ավտոմեքենաներ, որոնք այլևս գոյություն չունեն, որոնց համարները սեփականատերերը հանձնել են (խոտանման փոխարեն), և դրանք նույնպես բազայում գործող են համարվում` կուտակելով 11.929.168 դրամ ապառք: Այդ տրանսպորտային միջոցների սեփականատերերի մեծ մասը մահացած է կամ գտնվում է արտերկրում, և հնարավոր չէ նրանց միջոցով լուծել այդ հարցը: Ուստի , ելնելով ստեղծված իրավիճակից, և հաշվի առնելվ այն հանգամանքը, որ 2001 թվականի հունվարի մեկի դրությամբ ՀՀ-ի տրանսպորտային միջոցների սեփականության իրավունքի պետական գրանցման և պետական հաշվառման(վերահաշվառման)համակարգչային շտեմարանի գործող հատվածում պետք է չլինեին ԽՍՀՄ պետհամարանիշերով ավտոմեքենաներ:
- Սահմանված կարգով այդ տրանսպորտային միջոցները թվով 118 ավտոմեքենա հանել համայնքի համակարգչային շտեմարանի գործող հատվածից և ապառքը նվազեցնել 11.929.168 դրամով /ցուցակը կցվում է/:
- Սույն որոշումը ուժի մեջ է մտնում ստորագրման պահից:
|