Մակիչ Երվանդի Խոնդկարյանը ծնվել է Գարդմանա գավառի (Շամխոր) Բարսում գյուղում:
1971-1981թթ սովորել և ավարտել է Բարսումի միջնակարգ դպրոցը:
1981թ. ընդունվել է Լեռնային Ղարաբաղի Ստեփանակերտի գյուղատնտեսական տեխնիկոմի մեխանիզացիայի բաժինը:
1982-1984թթ ծառայել է Սովետական բանակում: Ծառայությունից հետո ուսումը ավարտելով 1986թ. աշխատանքի է անցել ՀՀ Նաիրիի շրջանի մեքենափորձարարական կայանում, որպես տեխնիկ-մեխանիկ:
Հայրենիքի սահմանները պաշտպանելու համար 1989թ.-ի օգոստոսին թողնելով աշխատանքը տեղափոխվել է Կրասնոսելսկի շրջանի Դպրաբակ գյուղ, որտեղ բնակվում է Գարդմանա գավառից (Շամխոր) բռնագաղթված իր համագյուղացիների և ծնողների հետ միասին:
1989-1994թթ մասնակցել է Կրասնոսելսկի շրջանի, ներկայիս քաղաք Ճամբարակ, սահմանների ինքնապաշտպանության մարտական գործողություններին:
1990թ.-ից հատուկ գնդի անդամ է: Ենթաշրջանում ապրող փախստականներից կազմավորվել է ինքնապաշտպանական ջոկատ, որը կոչվում է «Գարդման» և կցվել է շրջանի թիվ 22219 զորամասին: Եղել է ջոկատի փոխհրամանատար,1993թ-ից առ այսօր հրամանատար: Միաժամանակ 1992-1996թթ աշխատել է Կրասնոսելսկի անտառտնտեսության Դպրաբակի անտառտնտեսությունում, որպես անտառապետ:
1996թ-ից մինչ օրս աշխատում է Դպրաբակի միջնակարգ դպրոցում, որպես ֆիզկուլտուրայի ուսուցիչ:
2012-2017թթ սովորել և ավարտել է Երևանի ֆիզիկական կուլտուրայի հառակա ուսուցման ֆակուլտետի թեթև ատլետիկայի բաժինը:
2010թ.-ից ԵԿՄ -ի անդամ է:
2016թ. ապրիլի սկզբից «Գարդման» ջոկատի 10 անդամներով իր հրամանատարությամբ և Կրասնոսելսկի ԵԿՄ ջոկատի` Գ.Դալլաքյանի հրամանատարությամբ մասնակցել է Արցախյան քառօրյա պատերազմին` մարտակերտի շրջանի 5-րդ պաշտպանական գնդի դիրքերում 02-25.04.2016թ. այնուհետև տեղափոխվել է Ջաբրաիլի շրջանի ինքնապաշտպանական դիրքեր` 26.04-12.05.2016թ: 
2000թ-ից ՀՅԴ կուսակցության անդամ է:
Ամուսնացած է, ունի մեկ դուստր և երկու որդի: