Ղեկավարվելով «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի «բ» ենթակետի հիմքով, 3-րդ մասով, «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, հիմք ընդունելով «Սևան ազգային պարկ» ՊՈԱԿ-ի գրությունը «Մայորկա» ՍՊԸ-ի կողմից վարձակալած տարածքում ինքնակամ շինություններ հայտնաբերելու վերաբերյալ և ՀՀ քաղաքացիական օրենսգրքի 188-րդ հոդվածի պահանջների պահպանումը պարզելու նպատակով՝

Ո Ր Ո Շ Ո Ւ Մ  Ե Մ՝

1. «Սևան ազգային պարկ» ՊՈԱԿ-ի գրության հիման վրա՝ «Մայորկա» ՍՊԸ-ի կողմից 14․07․2005թ․ թիվ 405/185 պայմանագրով վարձակալած տարածքում 1901,5 մետր բացարձակ նիշից ցածր ինքնակամ կառուցված 3 մ2 և 102մ2 քարե շինությունների, 57մ2 բետոնե հիմքի, մեկ հատ հիմքով զրուցարանի, ցանկապատի, 3 հատ առանց հիմքի զրուցարանների և 14 հատ հիմքով տնակների հայտնաբերման դեպքի փաստով հարուցել վարչական վարույթ և իրականացնել քննարկում 2024 թվականի դեկտեմբերի 26-ին ժամը 11։45-ին ք. Ճամբարակ, Գարեգին Նժդեհի 125 հասցեում, Ճամբարակի համայնքապետարանի շենքում:
2. Հարուցված վարչական վարույթի մասին ծանուցել «Մայորկա»  ՍՊԸ-ի ՍՊԸ-ի տնօրեն՝ Էդգար Կիրակոսյանին:
3. Սույն որոշումն ուժի մեջ է մտնում իրազեկման պահից: