Ղեկավարվելով«Նորմատիվ իրավական ակտերի մասին»ՀՀ օրենքի 37-րդ հոդվածով և 27.04.2010 թվականի N 50-Ն «Իրավունքը հաստատող փաստաթղթերի չպահպանված անհատական բնակելի տների կարգավիճակի մասին» ՀՀ օրենքով և «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 22-րդ կետով, ՀՀ 2008 թվականի հունիսի 10-ի ՀՕ-117-րդ հոդվածով և հիմք ընդունելով Ճամբարակ համայնքի Ճամբարակ քաղաքի Ե.Չարենցի փողոցի տուն 11 հասցեում, 05-002-0085-0009 կադաստրային ծածկագրով գտնվող շենք-շինության կառուցման և սպասարկման համար հատկացված 0.1հա հողամասը իրենց տրամադրելու և մինչև 2001թ. մայիսի 15-ը կառուցված բնակելի նշանակության շինություններն օրինական ճանաչելու մասին, ինչպես նաև նկատի ունենալով, որ դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ կառուցված են քաղաքաշինական նորմերի ու կանոնների էական խախտումներով և չեն առաջացնում  հարկադիր  սերվիտուտ  պահանջելու  իրավունք.

Ո Ր Ո Շ Ո Ւ Մ  Ե Մ՝

1. Ապրես, Մնաց և Վահիդա Մարտիրոսյաններին համատեղ սեփականության իրավունքով պատկանող անշարժ գույքը բավարարում է Հայաստանի Հանրապետության ՀՕ-117 ընդունված 10.06.2008թ., 26.12.2002թ. թիվ 50-Ն որոշմամբ իրավունք հաստատող փաստաթղթերը չպահպանված անհատական բնակելի տների կարգավիճակի մասին օրենքի 1-ին և 2-րդ հոդվածների և ՀՀ ՀՕ 64 հոդվածի 1-ին կետի պահանջներին:
2. Ապրես Երեմի Մարտիրոսյանին՝ ծնված 25.11.1951թ.,Մնաց Երեմի Մարտիրոսյանին՝ ծնված 02.01.1954թ. և Վահիդա Երեմի Մարտիրոսյանին ծնված 01.12.1955թ. համատեղ սեփականության իրավունքով հատկացվել է 0.1 հա տնամերձ հողամաս: Հողամասի վրա 1970թ.  կառուցված երկհարկանի 89.50քմ ներքին մակերեսով բնակելի տան առաջին հարկը,22.50քմ մակերեսով բաց պատշգամբը,115.40քմ ներքին մակերեսով բնակելի տան 2-րդ հարկը և 4.80քմ մակերեսով աստիճանահարթակը,24.96քմ ներքին մակերեսով 1985թվականին կառուցված անասնաշենքը և 18.24քմ ներքին մակերեսով կիսաքանդ շինությունը, որոնք կառուցված չեն ՀՀ հողային օրենսգրքի 60-րդ հոդվածով սահմանված հողամասի վրա, չեն հակասում քաղաքաշինական նորմերին, չեն առաջացնում սերվիտուտ՝ ճանաչել Ապրես,Մնաց և Վահիդա Մարտիրոսյանների համատեղ սեփական գույք:
3. Համայնքի կողմից Ապրես,Մնաց և Վահիդա Մարտիրոսյանների համատեղ սեփականության իրավունքով հատկացված 0.1 հա հողամասը չի գտնվում ՀՕ 60-րդ հոդվածի ցանկում և բավարարում է ՀՕ 64-րդ հոդվածի 2-րդ կետի պահանջներին, մնացորդ 0.026 հա հողամասը թողնել որպես համայնքային սեփականություն: Քանի որ 0,014հա հողամասը փաստացի օգտագործվում է որպես ընդհանուր օգտագործման ճանապարհ՝ ուստի անհրաժեշտություն է առաջացել գույքը գրանցել երկու միավորով և 0,014հա հողամասը նույնպես թողնել որպես համայնքային սեփականություն:
4. Սույն որոշմամբ ծագող սեփականության իրավունքը ենթակա է պետական գրանցման:
5. Անվավեր ճանաչել Ճամբարակ համայնքի ղեկավարի կողմից 21.11.2025թվականին տրված թիվ 906-Ա որոշումը:
6. Սույն որոշումն ուժի մեջ է մտնում ստորագրման պահից: