Ղեկավարվելով ՀՀ Հողային օրենսգրքի 101-րդ հոդվածի 3-րդ մասով, հիմք ընդունելով քաղաքացի Խաչիկ Փարավոնի Մարտիրոսյանի Դ-151 դիմումը՝ սեփականութան իրավունքով իրեն պատկանող /վկայական՝ 09092022-05-0014, տրված 09.09.2022թ./ հողամասից հրաժարվելու մասին.

Ո Ր Ո Շ ՈՒ Մ  Ե Մ՝

1. Քաղաքացի Խաչիկ Փարավոնի Մարտիրոսյանի կողմից հողամասից հրաժարվելու մասին 14․04․2026թ․ թիվ Դ-151 դիմումի հիման վրա  սեփականութան  իրավունքով նրան պատկանող Ճամբարակ համայնքի Թթուջուր բնակավայրի վարչական սահմաններում գտնվող 05-037-0203-0001 կադաստրային ծածկագրերով 2.11669 հա մակերեսով բնակավայրի գյուղատնտեսական նշանակության հողամասը /արոտավայր/  ճանաչել որպես համայնքային սեփականություն:
2. Աշխատակազմի քարտուղարին՝ սույն որոշումն ընդունվելուց հետո, սույն որոշումից ծագող իրավունքների պետական գրանցման նպատակով՝ 15-օրյա ժամկետում ներկայացնել Հայաստանի Հանրապետության կառավարության առընթեր անշարժ գույքի կադաստրի պետական կոմիտե:
3. Աշխատակազմի քարտուղարին՝ հողամասի նկատմամբ իրավունք հաստատող վկայականը ստանալուց հետո՝ համայնքի ավագանու առաջիկա նիստում ավագանու հաստատմանը ներկայացնել համայնքի գույքագրման փաստաթղթերում առաջացող փոփոխությունները:
4. Սույն որոշումն ուժի մեջ է մտնում ստորագրման պահից: