Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 39-րդ կետի, «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 25-րդ կետի պահանջներով, «Նորմատիվ իրավական ակտերի մասին» ՀՀ օրենքի 6-րդ, 7-րդ և 8-րդ հոդվածների, «Քաղաքաշինության մասին» ՀՀ օրենքի 13-րդ և 14-րդ հոդվածների և «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի 26-րդ հոդվածի պահանջների կատարումն ապահովելու նպատակով, ինչպես նաև հիմք ընդունելով Ճամբարակ համայնքի ղեկավարի ներկայացրած տեղեկանքը (կցվում է), որը հիմնավորված է Ճամբարակ համայնքի ավագանու՝ հանրային բաց քննարկում անցկացնելու մասին 12.11.2019թ. N 78-Ն որոշմամբ և նկատի ունենալով, որ համայնքային ֆինանասական ներդրումները կատարելու պայմանով 2022թ. ՀՀ բյուջեից համայնքներին հատկացվելու են նպատակային հատկացումներ՝ սուբվենցիաներ.

Հ Ա Մ Ա Յ Ն Ք Ի  Ա Վ Ա Գ Ա Ն Ի Ն  Ո Ր Ո Շ Ո Ւ Մ  Է՝

1. Թույլատրել մասնակցելու Ճամբարակ համայնքի կենտրոնական գրադարանի տարածքում՝ 44-օրյա պատերազմում Ճամբարակ համայնքի զոհված զինծառայողներին հարգանքի տուրք մատուցելու համար հուշահամալիրի կառուցման ծրագրին:
2. Հաստատել Ճամբարակի համայնքապետարանի կարիքների համար մեկ անձով ապրանքի ձեռքբերում կատարելու ընթացակարգով «44-օրյա պատերազմում Ճամբարակ համայնքի զոհված զինծառայողներին հարգանքի տուրք մատուցելու համար հուշահամալիր կառուցելու և «Տոռնադո» պատկերով հուշարձան-քանդակի ձեռքբերման» գնման հայտը` համաձայն հավելված 2-ի:
3. Սուբվենցիայի ստացման համար գործող կարգով կազմել և ՀՀ Գեղարքունիքի մարզպետարան ներկայացնել Ճամբարակ համայնքի կենտրոնական գրադարանի տարածքում՝ 44-օրյա պատերազմում Ճամբարակ համայնքի զոհված զինծառայողներին հարգանքի տուրք մատուցելու համար հուշահամալիրի կառուցման ծրագրի ֆինանսական հայտը:
4. Սահմանել, որ ծրագրի ներկայացման համար համայնքի 2022 թվականի բյուջեով բավարար ֆինանսական միջոցներ են նախատեսված ծրագիրը իրականացնելու և համայնքային ներդրումներ կատարելու համար:
5. Սույն որոշումն ուժի մեջ է մտնում 2022 թվականի հունվարի 1-ից: