Ղեկավարվելով «Վարչարարության հիմունքների և վարչական վարույթի մասին»  ՀՀ օրենքի 30-րդ հոդվածի 1-ին մասի «բ» ենթակետի հիմքով, 3-րդ մասով, «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, հիմք ընդունելով Ճամբարակ համայնքապետարանի աշխատակազմի ֆինանսատնտեսագիտական, եկամուտների հաշվառման և հավաքագրման բաժնի տեղեկանքը Անահիտ Արշալույսի Մովսիսյանի կողմից Ճամբարակ համայնքի բյուջեի նկատմամբ չկատարված հարկային պարտավորությունների վերաբերյալ.

Ո Ր Ո Շ Ո Ւ Մ  Ե Մ՝

1. Քաղաքացի Անահիտ Արշալույսի Մովսիսյանին /հաշվառված` Երևան, Կենտրոն, Այգեստան, 12-րդ փողոց, 8 տուն հասցեում/ սեփականության իրավունքով պատկանող Ճամբարակ համայնքի, Շողակաթ բանակավայրի 05-074-0122-0023 կադաստրային ծածկագրով 0․1 հա հատուկ պահպանվող տարածքների հանգստի համար նախատոսված հողը ՀՀ Հարկային օրենսգրքով սահմանված կարգով անշարժ գույքի ընդամենը՝ 21059 ՀՀ  դրամի չափով հարկ վճարելու պարտականությունը չկատարելու փաստի առթիվ հարուցել վարչական վարույթ և իրականացնել քննարկում 2026 թվականի նոյեմբերի 9-ին ժամը 10:30-ին ք. Ճամբարակ, Գարեգին Նժդեհի 125 հասցեում, Ճամբարակի համայնքապետարանի շենքում:
2. Հարուցված վարչական վարույթի մասին եռօրյա ժամկետում ծանուցել Անահիտ Մովսիսյանին։
3. Սույն որոշումը ուժի մեջ է մտնում իրազեկման պահից։