Ղեկավարվելով «Հողի հարկի մասին» ՀՀ օրենքի 18 հոդվածի 2-րդ մասի, «Գույքահարկի մասին» ՀՀ օրենքի 17 հոդվածի 4-րդ և 15-րդ հոդվածի 3-րդ կետերով, «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 42-րդ կետով և 93-րդ հոդվածի 2-րդ մասով և ՀՀ կառավարության 2013 թվականի N 271-Ն որոշմով.
Հ Ա Մ Ա Յ Ն Ք Ի Ա Վ Ա Գ Ա Ն Ի Ն Ո Ր Ո Շ ՈՒ Մ Է՝
- Խոշորացված Ճամբարակ համայնքի սահմանամերձ Վահան և Ճամբարակ բնակավայրերի բնակիչները ՀՀ կառավարության 2013 թվականի N 271-Ն որոշմով ազատված են հողի և անշարժ գույքի հարկերից: Եվ 2014 թվականից սկսած նշված բնակավայրերի բնակիչների հողի և գույքի հարկերը վճարվում է պետության կողմից: Սակայն 2008-2009 թթ. Վերը նշված բնակավայրերի բնակիչների վրա կուտակվել է ընդհանուր 14.815.957 (Վահան բնակավայր - 464 անուն հողատարածք, 1.942.173 ՀՀ դրամ, ք. Ճամբարակ-2024 անուն հողատարածք, 12.873.784 ՀՀ դրամ) ՀՀ դրամ հողի և 318648 (Վահան բնակավայր-4 անուն շենք- շինություն, 40029 ՀՀ դրամ, ք. Ճամբարակ-157 անուն շենք-շինություն, 278619 ՀՀ դրամ ) ՀՀ դրամ անշարժ գույքի հարկերի ապառք, որը հնարավոր չէ հավաքագրել: Ապառքի այս թիվը մեր համայնքի համար համարվում է բեռ և անհուսալի պարտք:
- Համաձայն վերը նշվածի ապառքը համարել անհուսալի, և դա սահմանված կարգով դուրս գրել հողի հարկի և գույքահարկի համակարգչային բազայից:
- Սույն որոշումը ուժի մեջ է մտնում ստորագրման պահից:
|