Օրակարգում քննարկվեց հետևյալ հարցերը՝
1․ Աշխատանքային ներքին կանոնները պահպանելու հարցը,
2․ Համայքի տարածքում կատարվող շինարարական աշխատանքների վերահսկողությունը,
3․ Սեփական եկամուտների հավաքագրմանն ուղղված աշխատանքները,
4․ Նախկինում կնքված պայմանագրերը վերանայելու և թույլտվությունների տրամադրման վերաբերյալ հարցերի քննարկում,
5․ Համայնքի ղեկավարի նորանշանակ օգնականի ներկայացում։

1․ Համայնքի ղեկավարը իր խոսքում ներկայացրեց, քանի որ հիմնականում ավարտվել է թափուր հաստիքների համալրումը և համայնքային ծառայողները անցել են իրենց աշխատանքային պարտականությունների, առավել խիստ ուշադրություն է դարձվելու աշխատանքային ներքին կարգապահական կանոններին, ինչպես նաև վարքագծի կանոններին։ Աշխատաժամանակը կառուցել այնպես, որ չհակասի ՀՀ օրենքներին և համայնքապետարանի ներքին իրավական կանոններին։
2․ Երկրորդ հարցի հետ կապված համայքի ղեկավարը նշեց և հանձնարարեց քաղաքաշինության և հողաշինբության բաժնի պետին, առ այն որ համայնքի տարածքում շինարարական աշխատանքները պետք է լինեն ամենօրյա ուշադրության կենտրոնում։ Աշխատակիցները պետք է անցկացնեն ամենօրյա մշտադիտարկում՝ հսկողության տակ պահելով կատարվող աշխատանքների որակը։
3․ Ֆինանսատնտեսագիտական, եկամուտների հաշվառման և հավաքագրման բաժնի պետին հանձնարարվեց սեփական եկամուտների հավաքագման աշխատանքներում ցուցաբերել առավել ակտիվություն, քանի որ ներկայիս հավաքագրման տեմպը համարվում է անբավարար։
4․ Իրավաբանական բաժնի պետին հանձնարարվեց ուսումնասիրել համայքի տարածքում տեղադրված բոլոր արևային կայանների հետ կնքված պայմանագրերը։ Վերանայել Սևանա լճի հարակից բնակավայրերում և «Սևան» Ազգային պարկի տարածքում գործող բոլոր իրավաբանական անձանց հետ կնքված աղբահանության պայմանագրերը, ինչպես նաև ուսումնասիրել և հայտնաբերել ալկոհոլի և ծխախոտի վաճառքի թույլթվություն չունեցող կազմակերպություններին և կիրառել համապատասխան միջոցներ։ Հանձնարարվեց ապամոնտաժել «Սևան» Ազգային պարկի բոլոր հին ցուցանակներն ու գովազդային վահանակները, իսկ մնացած տնտեսվարողների հանդեպ միջոցներ կիրառել, որպեսզի գովազդային վահանակները բերեն օրենքով սահմանված պատշաճ տեսքի և տրամադրել համապատասխան թույլտվություններ։
5․ Խորհրդակցության վերջում համայնքի ղեկավարը ներկայացրեց նորանշանակ օգնականին՝ Սաթենիկ Խաչատրյանին,  մաղթելով բարի աշխատանքային երթ և արդյունավետ աշխատանք։